Գործընկերություն և մասնագիտական ցանցի ձևավորում

Մեր գործընկերները

Աշխատաժողովի շրջանակում ներկայացվել և քննարկվել են ապացույցների վրա հիմնված բժշկությանը, սոցիալական բժշկությանը, առողջապահական ծրագրերի մշակմանը և համայնքային բժշկությանը վերաբերող թեմաներ՝ նպատակ ունենալով բարձրացնել առողջության սոցիալական, կառուցվածքային և ոչ կենսաբժշկական որոշիչ գործոնների վերաբերյալ տեղեկացվածությունը: Աշխատաժողովը հարթակ է դարձել Հայաստանը ներկայացնող և օտարերկրյա փորձագետների միջև մասնագիտական ​​հարաբերությունների զարգացման համար:

Սփյուռքի հայկական կազմակերպությունների ներկայացուցիչները և առողջապահության ոլորտի մասնագետները հյուրընկալվել էին Կալիֆորնիայի համալսարանում (UCLA) Համախմբում՝ հանուն կայուն ազդեցության կարգախոսի ներքո 2024թ.-ին անցկացված Հայաստան-Սփյուռք առողջապահական գագաթնաժողովի շրջանակում: Մեկօրյա գագաթնաժողովը կազմակերպել էին Հայկական բժշկական միջազգային կոմիտեն (AMIC), ՀԵՆԱՐ հիմնադրամը և UCLA Operation Armenia-ն:
Գագաթնաժողովի մասնակիցները ներկայացրեցին մի շարք թեմաներ, անցկացվեցին պանելային և խմբային քննարկումներ, որոնք ընթացքում անդրադարձ արվեց այն նորարարական լուծումներին, որոնք թույլ կտան հաղթահարել հիմնական մարտահրավերները, նախանշվեց Հայաստանում բնակչության առողջության և բարեկեցության համար անհրաժեշտ միջոցառումները:

Մեր գործընկերները

2023 թվականի հուլիսի 6-ին ՀԵՆԱՐ հիմնադրամը Հայաստանի 6-րդ միջազգային բժշկական համագումարի (IMCA) շրջանակում անցկացրել է Առողջության առաջնային պահպանման սիմպոզիում:
Սիմպոզիումի ընթացքում բանախոսները խոսել են առողջության առաջնային պահպանման համակարգի բարեփոխմանն ուղղված աշխատանքի, առաջնային բուժօգնության հաստատություններում հոգեկան առողջության կարևորության, բժիշկ-բուժառու պատշաճ շփման և բուժման գործընթացներում հիվանդների ներգրավվածության մասին:

Մեր գործընկերները