Միջգիտակարգային վերականգնողական բժշկության ոլորտում կրթաթոշակի ծրագիր
Հայաստանի և Արցախի համար
Հիմնական դրույթներ
COVID-19 համաճարակը զգալի տնտեսական, սոցիալական և առողջապահական հետևանքներ ունեցավ և բացասաբար ազդեց նաև առողջապահական համակարգի վրա։ 2020 թվականի Արցախյան պատերազմը և շարունակվող բախումները ևս մարտահրավեր դարձան առողջապահական համակարգի և այդ համակարգի առավել արժեք ներկայացնող ռեսուրսի՝ առողջապահական ոլորտի աշխատուժի համար։ Աշխարհաքաղաքական դիրքորոշումը և բնական աղետների հավանականությունը ևս իրավիճակը ռիսկային են դարձնում երկարաժամկետ կտրվածքում: Այդուհանդերձ, առողջապահություն ոլորտում, մասնավորապես առաջնային խնամքի մակարդակում ներգրավված մասնագետները չունեն անհրաժեշտ որակի վերականգնողական ծառայություններ մատուցելու հմտություններ:
Միջգիտակարգային վերականգնողական բժշկության
ոլորտում կրթաթոշակի ծրագրի մեկնարկը
Վերականգնողական բժշկության ոլորտում ներգրավված աշխատուժի կարողությունների հզորացման անհրաժեշտությամբ պայմանավորված՝ 2022-ի վերջին մեկնարկեց միջգիտակարգային վերականգնողական բժշկության ոլորտում կրթաթոշակային ծրագիրը, որը 10-ամսյա հիբրիդային (առկա և առցանց) կլինիկական վերականգնողական հմտությունների զարգացմանն ուղղված վերապատրաստման ծրագիր է՝ բժիշկների, բուժքույրերի և հարակից առողջապահական ծառայություններ մատուցողների համար: Այն անդրադառնում է արտակարգ իրավիճակներում, սուր վիճակներում վերականգնողական միջոցառումներին առնչվող, նյարդավերականգնողական, այրվածքաբանական և վերքերի մշակման, օրթոպեդիկ բուժօգնության, ցավագիտական, հոգեկան առողջությանը և այլ կարևոր թեմաների: 2023 թվականի հուլիսին ծրագիրն ավարտել է Հայաստանի և Արցախի 30 կրթաթոշակառու։
Երկարաժամկետ կտրվածքում շղթայական ազդեցության միջոցով բազմապատկիչ էֆեկտի ստեղծում
Կա առողջապահության ոլորտում դրական փոփոխություններ խթանող մի քանի հիմնական գործոն: Դրանք են.
- Գործակցության ներուժի օգտագործումը. ծրագիրն ապացուցում է, որ համագործակցությունն իրապես հզոր ներուժ ունի և ի զորու է միավորելու ընդհանուր նպատակ շուրջ բազմաթիվ հեղինակավոր կազմակերպությունների: Միասնական ջանքերի և փոխադարձ հզորացմանը նպաստող գործողությունների շնորհիվ կարելի է մեծ թափ հաղորդել համատեղ թողնվող ազդեցությանը: Այն շատ հզոր է, քան դրա մասնակիցները միասին, և կարող է համակարգային վերափոխումների հիմք դառնալ:
- Փոփոխության ագենտների հզորացում. գործընկերների անդրանիկ խումբը հանդես է գալիս ոչ միայն որպես շահառու, այլև որպես ազդեցության ոլորտներում խորը փոփոխությունների կատալիզատոր: Նորահայտ գիտելիքով և հմտություններով զինված այս առաջամարտիկներն ունակ են ընդարձակ ցանցային տիրույթներում տրանսֆորմացիոն տեղաշարժեր խթանել ներկայիս էկոհամակարգում՝ օգտվելով իրենց հանրային հեղինակությունից, համբավից և հասանելիությունից:
- Միջգիտակարգային մոտեցում. ծրագիրը խարսխվում է այն ըմբռնման վրա, որ առողջապահական ոլորտում իրական առաջընթացը պահանջում է տվյալների վերլուծություն և միջգիտակարգային գործակցություն: Հաղթահարելով ավանդական դարձած մոտեցումները և խթանելով վերակենդանացման թիմերի և անհատ պրակտիկայով զբաղվողների միջև համագործակցության մշակույթը, ծրագիրը ճանապարհ է հարթում առողջապահական արդյունքների պարադիգմային փոփոխության համար՝ հույս և լավատեսություն ներշնչելով նրանց, ովքեր դրա կարիքն ունեն:
