Առողջապահության ոլորտի մասնագետների կրթության ծրագիր
Առողջապահության ոլորտի մասնագետների կրթության ծրագիրը կարևոր նշանակություն ունի առողջապահության բարելավման համար, քանի որ այն ուղղված է առողջապահական գիտակարգերի մասնագետների շրջանում դասավանդման, գնահատման, ուսումնական ծրագրերի մշակման և առաջնորդության հմտությունների զարգացմանը: Հայաստանում առողջապահական ծառայություններ մատուցողներն այս ծրագրի ներքո ստանում են կլինիկական պայմաններում ուսուցման մեթոդաբանության կիրառման և ազգային համակարգերում բարձրորակ կրթական հնարավորությունների ինտեգրման հմտությունները, ինչը նպաստում է բժիշկների, առողջապահական ծառայություններ մատուցողների և ուսանողների մասնագիտական զարգացմանը, երկարաժամկետ հեռանկարում էլ՝ բժշկության ոլորտում դասավանդման նոր մշակույթի ներդրմանը։
Ծրագրի շրջանակը
Մագիստրոսական ծրագիրը ներառում է 32 կրեդիտ։ Այն մեկամյա հիբրիդային ծրագիր է, որն իրականացվում է Բոստոնի համալսարանի Չոբանյան և Ավետիսյան բժշկական դպրոցի հետ գործակցությամբ։ Ուսումնական ծրագրերի մշակման, կարողությունների վրա հիմնված կրթության, կլինիկական դասավանդման, գնահատման և բժշկական կրթական հետազոտությունների ոլորտներում վերապատրաստման միջոցով այն օգնում է բժիշկներին և առողջապահության որոտի մասնագետներին դառնալ արդյունավետ դասավանդողներ։ Ծրագրի առանձնահատկությունը «Դասավանդողների դասավանդողներ» մոդելն է, որը մասնակիցներին թույլ է տալիս ոչ միայն ձեռք բերել փորձ, այլև վերապատրաստել իրենց հաստատությունների դասախոսներին՝ աջակցելով առողջապահական մասնագիտությունների կրթության ոլորտում երկարաժամկետ կարողությունների զարգացմանը։
Ծրագրի ազդեցությունը
- Բովանդակային ու նորարար․ Մասնակիցները ծրագիրը նկարագրում են որպես նորարար նախաձեռնություն, որը կարող է վերափոխել բժշկական կրթության մշակույթը Հայաստանում։
- Մասնագիտական մտածողության փոփոխություն․ Մասնակիցները հայտնում են դասավանդման մոտեցման սկզբունքային փոփոխության մասին՝ գիտելիքի փոխանցումից անցում կատարելով դեպի կարողությունների վրա հիմնված կրթություն։
- Բարձր կիրառելիություն․ Գիտելիքի գործնական կիրառում՝ դասընթացի կառուցվածքի վերանայման, դեպքի վրա հիմնված ուսուցման ներդրման 7 ձևավորող գնահատման միջոցով։
Մագիստրատուրա
- Մտածելակերպի փոխակերպում
- Գործնական կիրառում
- Ընդհանուր լեզու
Դասավանդողների դասավանդողներ
